Ulug‘bek Rashitov 2 yilga diskvalifikatsiya qilindi

11.07.2025 | 11:0030852

Ikki karra Olimpiya chempioni Ulug‘bek Rashitov antidoping qoidalarini buzganlikda ayblanib, xalqaro musobaqalardan 2 yilga chetlatildi. Bu haqda Xalqaro doping tahlil agentligi rasman ma’lumot berdi.

Ulug‘bek Rashitov 2 yilga diskvalifikatsiya qilindi

Xalqaro doping tahlil agentligi (ITA) xabariga ko‘ra, Rashitov so‘nggi 12 oy ichida uch marta o‘z joylashuvi haqida noto‘g‘ri ma’lumot taqdim etgan. Bu holat antidoping qoidalarida sinovdan bosh tortishga teng deb hisoblanadi va jiddiy qonunbuzarlik sifatida baholanadi. Shunga muvofiq, sportchining diskvalifikatsiya muddati 2025 yil 13 maydan boshlanib, 2027 yil 12 maygacha etib belgilangan. U shu davr mobaynida har qanday xalqaro va milliy sport musobaqalarida ishtirok etish huquqidan mahrum bo‘ladi. Eslatib o‘tamiz, Ulug‘bek Rashitov Tokio–2020 va Parij–2024 Olimpiya o‘yinlarida 68 kg vazn toifasida oltin medallarni qo‘lga kiritgan edi. Shuningdek, u Osiyo o‘yinlari va chempionati g‘olibi, jahon chempionati sovrindori hisoblanadi. Rashitov taekvondo bo‘yicha ikki karra Olimpiya chempioni bo‘lgan ilk o‘zbekistonlik sportchi sifatida mamlakat sport tarixida alohida o‘rin tutadi. Uning diskvalifikatsiyasi sport jamoatchiligida katta qiziqish va muhokamalarga sabab bo‘lmoqda.

Teglar

Ulug‘bek Rashitov doping diskvalifikatsiya taekvondo

Mavzuga oid

31.10.2025 | 23:00

Toshkent 2029 yilda IV Osiyo yoshlar o‘yinlariga mezbonlik qiladi

2024 yil dekabr oyida O‘zbekistonda o‘tkazilishi rejalashtirilgan yoshlar o‘rtasidagi Osiyo o‘yinlari, sport inshootlari tayyor emasligi sababli, Toshkentdan olib qo‘yilib, Bahraynga berilgandi.

30.10.2025 | 19:29

Najmiddin Qosimxojiyev jahon chempioni bo‘ldi

Final bellashuvida u braziliyalik Olimpiada va jahon chempionati sovrindori Edibal Pontesga qarshi ringga chiqdi.

30.10.2025 | 16:35

Prezident UNESCO Bosh direktorini orden bilan mukofotladi

Uchrashuvda tashkilot bilan sheriklikni yanada rivojlantirish masalalari ko‘rib chiqildi. Mirziyoyev uchrashuv yakunida UNESCO Bosh direktori Odri Azulega «Do‘stlik» ordenini topshirdi.

01.11.2025 | 19:25

«Melissa» dovuli 50 mlrd dollarlik iqtisodiy zarar keltirdi

Karib dengizi havzasidagi «Melissa» dovuli Yamayka va Kubani vayron qildi. 185 milya/soat tezlikda harakatlangan tabiiy ofat oqibatida kamida 50 kishi halok bo‘lgan.

31.10.2025 | 17:10

O‘zbekistonliklar noyabr oyini qanday ob-havoda o‘tkazadi?

O‘zgidromet noyabrda kutilayotgan ob-havo prognozlarini e’lon qildi. Oyning birinchi haftasidayoq havo harorati keskin sovib ketishi kutilmoqda.

04.11.2025 | 14:55

AQSH Isroildan jurnalistlarni G‘azoga kiritishni talab qilmoqda — OAV

Vashington G‘azodagi otashkesimdan so‘ng xalqaro jurnalistlar uchun kirish ruxsatini so‘rayotgani xabar qilindi. Shu bilan birga, Tramp ma’muriyati HAMAS a’zolariga tunellardan xavfsiz chiqish yo‘lini ham muhokama qilmoqda.