Xitoydan AQSHga smartfon eksporti 2011 yildan buyon eng quyi darajaga tushdi

21.05.2025 | 08:4542453

AQSH va Xitoy o‘rtasidagi tariflar muammosi ortidan aprel oyida Xitoydan AQSHga smartfonlar eksporti 72 foizga qisqardi. Bu ko‘rsatkich 2011 yildan beri kuzatilgan eng past daraja bo‘ldi.

Xitoydan AQSHga smartfon eksporti 2011 yildan buyon eng quyi darajaga tushdi

Xitoy Bosh bojxona boshqarmasi ma’lumotlariga ko‘ra, smartfon eksporti 700 mln dollardan kam bo‘lgan. Mutaxassislar bu holatni Vashingtonning boj siyosati orqali texnologik yetkazib berish zanjirlariga aralashuvi deb baholamoqda. Umuman, aprel oyida Xitoyning AQSHga jami eksporti 21 foizga kamaygan. Ayni paytda, 14 maydan boshlab ikki davlat o‘zaro tariflarni 90 kunga tushirishga kelishdi. AQSH bojlarni 30 foizga, Xitoy esa 10 foizgacha pasaytirdi. Bungacha tariflar mos ravishda 145 foiz va 125 foiz bo‘lgan. Biroq, bu vaqtinchalik kelishuvga qaramay, ikki tomonlama qarama-qarshilik saqlanib qolmoqda. Xitoy AQSH savdo vazirligining Huawei SI-chiplariga oid bayonotini Jeneva muzokaralarini buzish sifatida baholadi. Sarmoyadorlar AQSH va Xitoy o‘rtasidagi ikki tomonlama savdo hajmi 2024 yilda 690 mlrd dollarni tashkil etganini, ammo yaqinda u pasayishi mumkinligini taxmin qilmoqda. Bu esa sanoatga zarar yetkazib, iste’molchilar uchun narxlar o‘sishiga olib kelishi mumkin. Smartfonlar, noutbuklar va litiy-ionli akkumulyatorlar o‘tgan yili AQSHning Xitoydan eng ko‘p olib kirilgan mahsulotlari qatorida bo‘lgan.

Teglar

AQSH Xitoy bojlar texnologiyalar smartfon eksporti Huawei

Mavzuga oid

02.11.2025 | 08:58

Tramp Venesuela sohillariga 16 minglik harbiy guruh jo‘natdi

AQSH Venesuela qirg‘oqlariga 16 ming harbiydan iborat katta dengiz guruhini yo‘lladi. Ekspertlar bu harakatni Vashingtonning Karib mintaqasidagi operatsiyalarini kengaytirish belgisi sifatida baholamoqda.

30.10.2025 | 21:03

Isroil Google’ni qanday o‘z izmiga soldi?

Google va Amazon sud cheklovlarini chetlab o‘tish maqsadida Isroil hukumati bilan yashirin kelishuvlar tuzgan.

02.11.2025 | 14:53

Dushanbe Yevroittifoqning Tojikiston banklariga sanksiya qo‘llashiga norozilik bildirdi

Tojikiston Tashqi ishlar vazirligi YeI tomonidan bir qator milliy banklarni sanksiyalar ro‘yxatiga kiritilishiga qattiq e’tiroz bildirdi va bu qaror mamlakat moliya tizimiga salbiy ta’sir ko‘rsatishi mumkinligini ta’kidladi.

01.11.2025 | 17:25

Tramp yadroviy qurol sinovlarini qayta boshlamoqchi: bu nima anglatadi va oqibati nima bo‘ladi?

Trampning bayonotlaridan aniq xulosa chiqarish qiyin — gap aniq nima haqida ketmoqda? Agar u chindan ham yadroviy portlashlar haqida gapirayotgan bo‘lsa, u holda insoniyat xavfli qarama-qarshilik bosqichiga yaqinlashmoqda.

02.11.2025 | 10:27

Qamchibek Tashiyev: «O‘zbekiston, Qirg‘iziston va Tojikiston sarhadlariga chegarachilar kerak bo‘lmasligi mumkin»

Qirg‘iziston Milliy xavfsizlik davlat qo‘mitasi raisi Kamchibek Tashiyevning aytishicha, Markaziy Osiyodagi davlat rahbarlari yaratgan o‘zaro ishonch muhiti tufayli yaqin kelajakda chegarachilar xizmatiga ehtiyoj qolmasligi mumkin.

31.10.2025 | 17:40

Sagrada Familia dunyodagi eng baland cherkovga aylandi

Me’mor Antoni Gaudi tomonidan loyihalashtirilgan Barselonadagi mashhur Sagrada Familia bazilikasi dunyodagi eng baland cherkov unvonini qo‘lga kiritdi. Bu markaziy minora ustiga xochning birinchi qismi o‘rnatilgandan keyin ma’lum bo‘ldi.