Dam olish kunlarida ham jazirama issiq saqlanadi
O‘zbekistonda 18–20 iyul kunlari juda issiq va quruq ob-havo sharoiti hukmron bo‘lib qoladi. Janubdan kirib kelayotgan havo oqimlari haroratni keskin oshirishi mumkin.
O‘zgidromet ma’lumotiga ko‘ra, dam olish kunlari respublika bo‘ylab kunduzi harorat +40...+43 darajagacha, janubiy va cho‘l hududlarda esa +44...+45 darajagacha ko‘tarilishi kutilmoqda. Toshkent shahrida tunda ham havo harorati +24...+27 darajadan pastga tushmaydi.
Faqat Qoraqalpog‘iston Respublikasi va Xorazm viloyatida juma va yakshanba kunlari issiqlik biroz pasayishi mumkin. Bu hududlarda harorat +35...+38 daraja atrofida bo‘ladi. Qolgan viloyatlarda termik depressiya ta’siri tufayli qattiq issiqlik saqlanib qoladi.
Ayrim hududlarda shamol tezligi 13–18 m/s gacha kuchayishi va bundan kelib chiqib chang‘-to‘zonlar kuzatilishi mumkin. Bu, ayniqsa ochiq maydonlarda faoliyat yuritayotganlar uchun xavf tug‘dirishi mumkin.
Mutasaddilar aholini qattiq issiqdan himoya qilish choralarini ko‘rishga, quyosh to‘g‘ridan-to‘g‘ri tushadigan soatlarda ko‘chada yurmaslikka chaqirmoqda. Tana suyuqlik balansiga alohida e’tibor qaratish tavsiya etilyapti.
