Hindistonda yuzlab fuqarolar soxta Tramp ilovasiga chuv tushdi

«Times of India» xabariga ko‘ra, kiberpolitsiyaga 200 nafar atrofida fuqaro 5-6 oy ichida umumiy 20 million rupiy (234 ming dollar) o‘g‘irlangani yuzasidan murojaat qilgan. Ilovada Trampning sun’iy intellekt yordamida yaratilgan surat va videolari qo‘llanilgani, shu yo‘l bilan odamlar ishonchi qozonilgani aytilmoqda. Firibgarlar sarmoyadorlarga qisqa muddatda 100 foiz va undan ortiq foyda va’da qilgan. Ular «Trump Hotel Rental» ilovasi orqali yuborilgan kontentni investitsiya loyihasi sifatida ko‘rsatgan. Kiberpolitsiya ma’lumotiga ko‘ra, garchi ko‘pchilik rasman shikoyat qilmagan bo‘lsa-da, bu soxta loyihaga kamida 800 kishi jalb etilgan. Ulardan ayrimlari 1 million rupiygacha (11 700 dollar) mablag‘ yo‘qotgan.