«Payme», «Click» ва «Paynet»: 2026 йил бошида ким кўпроқ фойда қилмоқда

Bugun 13:251 daqiqa

«Click» фойда бўйича «Payme»ни ортда қолдирган бўлса, «Paynet» фойдаси 4 баробар ўсиб кетди.

«Payme», «Click» ва «Paynet»: 2026 йил бошида ким кўпроқ фойда қилмоқда

Ўзбекистондаги йирик тўлов ташкилотлари 2026 йил I чорак учун молиявий ҳисоботларини эълон қилди.

Уч ой давомида «Click» фойдаси 7,4 фоизга ошиб, 78,6 млрд сўмни ташкил қилди. Компания даромади эса 23,4 фоизга анча кўпроқ ўсиб, 209,4 млрд сўм бўлди.

«Payme» соф фойдаси 49,6 фоизга ўсиб, 104 млрд сўмга етди. Бунинг натижасида компания «Click»ни ортда қолдиришга эришди. Уч ойда «Payme» даромадлари 52,3 фоизга ўсиб, 230 млрд сўмни ташкил қилди.

Учликнинг охирги вакили «Paynet» фойдаси эса қолганларга қараганда сезиларли ўсди. I чоракда компания фойдаси 4 баробар кўпайди (+313,7 фоиз) ва 449,5 млрд сўмга етди. Даромад эса 44 фоизга ўсиб, 558,5 млрд сўмни ташкил қилди.

I чоракдаги фойда «Paynet» учун бутун бошли 2025 йилдаги соф фойда — 395,1 млрд сўмга нисбатан ҳам кўпроқ бўлди.

Бу чоракда «Paynet» фойдаси кескин ўсишига ҳисоботга дивиденд кўринишида бир марталик — 321,1 млрд сўмлик маблағ қўшилгани сабаб бўлди.

Маълумот учун, «Paynet» 2025 йил бошида «Humo» тўлов тизимини 65 млн долларга сотиб олганди. Дивидендни ҳисобга олмаган ҳолда фойда 128,4 млрд сўмни ташкил қилди.

Teglar

«Paynet»«Click»«Payme»соф фойда

Mavzuga oid

Kecha 14:50

Марказий банк давлат банкларини хусусийлаштириш жараёнига изоҳ берди

VAQT.UZ мухбирининг маълум қилишича, Марказий банк давлат банкларини хусусийлаштириш ва имтиёзли кредитлар улушини камайтириш сиёсатини давом эттиради.

28.04.2026 | 08:55

Марказий банк асосий ставкани ўзгартирадими? — Иқтисодчилар таҳлили

29-апрелда Марказий банкнинг навбатдаги йиғилиши бўлиб ўтади. Инфляция пасаяётган бўлса-да, Яқин Шарқдаги уруш ва энергия нархларининг эҳтимолий ошиши ставканинг пасайтирилишига тўсқинлик қилиши мумкин.

28.04.2026 | 10:30

Ўзбекистонда ўртача иш ҳақи 7 млн сўмга яқинлашди

2026 йил биринчи чорагида Ўзбекистонда ўртача ойлик 6,8 млн сўмга етди, аммо ҳудудлар ва соҳалар кесимидаги катта фарқ ҳануз сақланмоқда.

26.04.2026 | 12:55

Европа Тожикистоннинг учта банкини «қора рўйхат»дан чиқарди

Банклар Россияга қарши санкцияларни четлаб ўтишда молиявий операцияларга алоқадорликда айбланган эди.

Kecha 15:32

«Бугунги йиғилишда фақат битта масала кўриб чиқилди» — Темур Ишметов

Ўзбекистон Республикаси Марказий банки бошқаруви ставкани ўзгаришсиз — 14 фоиз даражасида сақлаб қолди. VAQT.UZ мухбирининг маълум қилишича, регулятор бугунги йиғилишда фақат битта масалани кўриб чиққан.

Kecha 16:15