Ro‘yxatdan o‘tkazishdan sug‘urtagacha: avtomobil xarajatlari qanchaga tushadi?

O‘zbekistonda 1 avgustdan bazaviy hisoblash miqdori 375 ming so‘mdan 412 ming so‘mgacha oshdi. Shu sababli, jarimalar va yig‘imlardan tashqari, avtomobillarni ro‘yxatdan o‘tkazish miqdori ham oshdi.   Nimalarga to‘lov qilish kerak? Avtomashinani ro‘yxatdan o‘tkazish davomida YHXBga xizmat ko‘rsatish uchun to‘lovlar amalga oshirish zarur:

• Ro‘yxatdan o‘tkazish — BHMning 6,84 barobari, elektromobil, motolar, tirkamalar uchun — 1,5 barobar;
• Davlat raqami — BHMning 3,5 barobari;
• Qayd etish guvohnomasi (texpasport) — BHMning 0,7 barobari;
• Texnik ko‘rik — BHMning 0,1 barobari.

  Jadval orqali eski va yangi miqdorni solishtirishingiz mumkin:

To‘lov turi	Avval	Hozir
Ro‘yxatdan o‘tkazish	2 mln 565 ming so‘m	2 mln 818 ming so‘m
Elektromobil, moto, tirkama	562 ming so‘m	618 ming so‘m
Davlat raqami	1 mln 310 ming so‘m	1 mln 442 ming so‘m
Qayd etish guvohnomasi	262 ming 500 so‘m	288 ming 400 so‘m
Texnik ko‘rik	37 ming 500 so‘m	41 ming 200 so‘m

  Notarius xarajatlari qancha?

№	To‘lov turi	Hisoblash asosi	Summa (so‘m)
1	Notarial to‘lov	BHMning 3 baravari	1 mln 236 ming so‘m
2	Davlat boji	BHMning 10 foizi	41 ming 200 so‘m
3	Cheklovlarni tekshirish	BHMning 15 foizi	61 ming 200 so‘m
4	Konsultatsiya xizmati	BHMning 5 foizi	20 ming 600 so‘m
5	Shartnoma loyihasini tayyorlash	BHMning 10 foizi	41 ming 200 so‘m

Jami notariusda to‘lov 1 mln 400 ming so‘mga tushadi. Shunday qilib, 1 avgustdan boshlab mashinani ro‘yxatdan o‘tkazish 4 mln 896 ming so‘mga emas, 5 mln 929 ming so‘mga tushadi (narx oshishi 21 foiz).   Avtomobilga ishonchnoma olish narxi qancha? Ishonchnoma berishda esa kimga rasmiylashtirilayotganiga qarab to‘lov miqdori farq qiladi. Yaqin qarindoshlarga berilgan ishonchnomalar ancha arzon, boshqa shaxslarga esa qimmatroq tushadi.  

№	Kategoriya	Hisoblash asosi	Summa (so‘m)
1	Yaqin qarindoshlarga (boshqarish va tasarruf)	BHMning 0,5 baravari	206 ming so‘m
2	Boshqa shaxslarga (boshqarish va tasarruf)	BHMning 3 baravari	1 mln 236 ming so‘m
3	Yaqin qarindoshlarga (faqat tasarruf)	BHMning 25 foizi	103 ming so‘m
4	Boshqa shaxslarga (faqat tasarruf)	BHMning 50 foizi	206 ming so‘m

Eng muhimi, mashinani olgan kundan boshlab 10 kun ichida rasmiylashtirishni unutmaslik kerak. Aks holda jarima solinishi mumkin. Bundan tashqari, 2026 yildan majburiy avtosug‘urta narxlari ham 4 barobarga oshishi kutilmoqda. Xususan, viloyatlarda yengil avtomobillar uchun polis narxi 40 ming so‘mdan 160 ming so‘mgacha ko‘tariladi. Toshkent shahri va viloyatida esa 56 ming so‘mdan 192 ming so‘mga yetadi Mahliyo Hamidova tayyorladi.