Ta’lim va ilm-fan vaziriga biriktirilgan idoralar ro‘yxati e’lon qilindi

Bugun 08:002 daqiqa

Ta’lim, ilm-fan va sog‘liqni saqlash masalalari uchun mas’ul bo‘lgan Bosh vazirning birinchi o‘rinbosari — ta’lim va ilm-fan vaziriga biriktirilgan respublika va mahalliy ijro etuvchi hokimiyat organlari hamda boshqa tashkilotlar ro‘yxati tasdiqlandi. Prezidentning 2026 yil 9-oktabrdagi farmonida keltirilgan ro‘yxatga ta’lim va ilm-fan, sog‘liqni saqlash, ichki ishlar hamda yoshlar siyosati sohalaridagi idoralar kiritilgan.

Jumladan, Ta’lim va ilm-fan vazirligi, Ixtisoslashtirilgan ta’lim muassasalari agentligi, Kasbiy ta’lim agentligi, Innovatsion rivojlanish agentligi va Bilim va malakalarni baholash agentligi shular jumlasidan.

Shuningdek, ro‘yxatdan Sog‘liqni saqlash vazirligi, Sanitariya-epidemiologik osoyishtalik va jamoat salomatligi qo‘mitasi, Tibbiyot va farmatsevtika tarmog‘ini rivojlantirish agentligi, Klinik audit inspeksiyasi, Ichki ishlar vazirligi va Yoshlar ishlari agentligi joy olgan.

Fanlar akademiyasi, vazirliklar, qo‘mitalar, agentliklar va inspeksiyalarning tegishli vazifalari, shuningdek, Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining tegishli masalalar bo‘yicha o‘rinbosarlari ham ro‘yxatga kiritilgan.

Farmonga muvofiq, Bosh vazirning birinchi o‘rinbosari — ta’lim va ilm-fan vaziri mazkur idoralar faoliyatini muvofiqlashtiradi hamda ular zimmasiga yuklatilgan vazifalar ijrosiga umumiy rahbarlik qiladi.

Hujjat bilan Vazirlar Mahkamasida 12 shtat birligidan iborat Ta’lim, ilm-fan va sog‘liqni saqlash masalalari kotibiyatini tashkil etish ham belgilangan.

Vazirlar Mahkamasida 12 nafar shtat birligidan iborat Ta’lim, ilm-fan va sog‘liqni saqlash masalalari kotibiyati tashkil etiladi, uning 5 ta shtat birligi Ijtimoiy rivojlanish masalalari bo‘limidan, 7 ta shtat birligi esa Maktabgacha va maktab ta’limi hamda Oliy ta’lim, fan va innovatsiyalar vazirliklarining qayta tashkil etilishi hisobiga shakllantiriladi.

Teglar

Vazirlar Mahkamasi ta’lim ilm-fan O‘zbekiston prezident farmoni sog‘liqni saqlash idoralar ro‘yxati

Mavzuga oid

Kecha 11:04

Prezident Yangi Toshkentga qancha investitsiya kiritilganini ma’lum qildi

Yangi shahar uchun jami 20 ming gektar yer ajratilgan. 2 yil avval bu yerda bir gektarning o‘rtacha qiymati 10 milliard so‘mga yetmagan bo‘lsa, hozirda 19 mlrd so‘mni tashkil etmoqda.

Kecha 19:55

Shavkat Mirziyoyev Gurbanguli Berdimuhamedov bilan telefonda suhbatlashdi

Ular oliy darajadagi bo‘lajak tadbirlar rejasini muhokama qildilar.

Kecha 11:45

Har bir viloyat va poytaxtning tumanlariga Yangi Toshkentdan 100 gektardan yer ajratiladi

Shuningdek, qiymati 50 million dollardan yuqori bo‘lgan noturar joy loyihalari uchun «yashil» sertifikat xarajatlari davlat tomonidan to‘liq qoplanadi. Investor sotib olgan har bir yer maydonining 30 foizini yashil hududga aylantirish talabi ham Yangi Toshkentdagi loyihalarga qo‘llanmaydi.

Kecha 22:38

O‘zbekistonning yangi mudofaa vaziri, Sirdaryoning yangi hokimi va arzonlashgan mahalliy reyslar — 12-oktabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

11.10.2026 | 12:10

Saudiya Arabistonidagi hujumlardan keyin ham O‘zbekistonning Jidda va Madinaga parvozlari davom etmoqda

Ar-Riyod xalqaro aeroportiga bir hafta ichida uchinchi hujum uyushtirildi. Hodisa oqibatida 12 kishi halok bo‘ldi, 309 kishi yaralandi. «Uzbekistan Airways» esa Toshkentdan Jidda va Madinaga parvozlar tasdiqlangan jadval asosida amalga oshirilayotganini bildirdi.

Kecha 20:03