Энергетика вазирига янги ўринбосарлар тайинланди

Ўзбекистон Президентининг тегишли қарори билан Умид Мамадаминов энергетика вазирининг биринчи ўринбосари лавозимига тайинланди.

^{Умид Мамадаминов}

У бунга қадар энергетика вазирининг ўринбосари сифатида ишлаб келаётган эди. Мазкур лавозимда аввал Бахтиёр Маматкаримов фаолият юритган.

Шунингдек, Умаржон Эгамбердиев энергетика вазирининг ўринбосари этиб тайинланди. У тайинловгача Президентнинг энергетик хавфсизлик бўйича вакили бўлинмасида етакчи инспектор лавозимида ишлаган.

^{Умаржон Эгамбердиев}

Тайинловлар Энергетика вазирлиги раҳбарияти таркибидаги ўзгаришлар доирасида амалга оширилди.