Ўзбекистон Тожикистон экспорт қилаётган кўмирнинг деярли ҳаммасини сотиб олган

Kecha 19:401 daqiqa

Кўмир савдоси Тожикистон иқтисодиётига тахминан 6,5 миллион доллар даромад келтирган.

Ўзбекистон Тожикистон экспорт қилаётган кўмирнинг деярли ҳаммасини сотиб олган

2025 йилда Тожикистон хорижга жами 558,7 минг тонна кўмир етказиб берган. Шундан 558,2 минг тоннаси Ўзбекистон томонидан сотиб олинган. Бошқа бир қўшниси — Афғонистонга атиги 474 тонна кўмир юборилган. Бу ҳақда Тожикистон саноат ва янги технологиялар вазири Шерали маълум қилди.

Қайд этилишича, Тожикистонда 2025 йилда 2,8 миллион тоннадан ортиқ кўмир қазиб олинган. Бу 2024 йилга нисбатан 235 минг тоннага ёки 10 фоизга кўп. Кўмир қазиб олиш ишлари 20 та корхона томонидан 15 та конда олиб борилган.

Экспорт ҳажми

Тожикистон хорижга 558,7 минг тонна кўмир етказиб берган, бу 2024 йилга нисбатан 42 фоизга кўпдир. Асосий харидор Ўзбекистон бўлган, у умумий ҳажмнинг 99,91 фоизини ёки 558,2 минг тоннасини сотиб олган. Афғонистон эса атиги 474 тонна кўмир харид қилган. Кўмир экспорти мамлакатга тахминан 6,5 миллион доллар даромад келтирган.

Тожикистон ичида 2,27 миллион тонна кўмир реализация қилинган бўлиб, шундан 800 минг тоннаси Душанбедаги 2-Иссиқлик электр марказига етказиб берилган. Тахминан 451 минг тоннаси аҳолига сотилган.

Қайд этилишича, яқин йилларда янги кўмир корхоналарини қуриш режалаштирилган. Кўмир саноатига инвестицияларни жалб қилиш ва ишлаб чиқариш қувватларини ривожлантириш бўйича Россия, Хитой, Европа Иттифоқи мамлакатлари ва Ўзбекистон компаниялари билан иш олиб борилмоқда.

Teglar

энергетика Тожикистон экспорт саноат Ўзбекистон кўмир

Mavzuga oid

Kecha 19:25

Судя ва унинг оила аъзолари мол-мулкини декларация қилиш йўлга қўйилиши мумкин

Президент судя ва уларнинг оила аъзолари мол-мулкини декларация қилишни йўлга қўйиш, суд аппарати ходимлари орасида коррупциянинг олдини олишга қаратилган комплаенс назорат тизимини жорий этиш борасидаги ташаббусларни қўллаб-қувватлади.

Kecha 15:15

Пенсия тайинлаш тизими тўлиқ рақамлаштирилади

Пенсия тизимида хизматларни тўлиқ рақамлаштириш мақсадида, 2026 йилда босқичма-босқич бошқа турдаги пенсияларни ҳам проактив шаклга ўтказиш кўзда тутилган қарори лойиҳаси муҳокамага чиқарилди.

Kecha 17:38

Ўзбекистондаги хорижий корхоналар сони 18,5 мингдан ошди

Ўзбекистонда чет эл инвестицияси иштирокидаги корхоналар сони 18 513 тага етди. Охирги беш йилда улар қарийб икки баробарга ошган.

Kecha 22:46

Нақд пулсиз уй олиш, «квартплата» назорати ва Тошкентдаги энг қиммат ижара — 12 феврал дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 12:55

Рақобат қўмитаси фуқаролар мурожаатлари юзасидан Чиқиндиларни бошқариш агентлигига сўров юборди

Мурожаатларда асосан чиқиндиларни ўз вақтида олиб кетилмаслиги, хизматлар сифати пастлиги, шартнома шартларига амал қилинмаслиги, шунингдек, хизмат кўрсатувчи корхоналар томонидан асоссиз қарздорлик ҳисобланиши ҳамда бунинг оқибатида фуқароларнинг электр энергияси тўловларига чекловлар қўйилгани юзасидан эътирозлар билдирилган.

Kecha 21:23

«UzTEST» маркази тугатилмоқда: соҳалар тўлиқ халқаро стандартларга ўтади

Техник тартибга солиш тизими халқаро талабларга мослаштирилади, эскирган стандартлар бекор қилинади ҳамда синов ва сертификатлаш хизматлари тўлиқ хусусий секторга берилади.