Мирзиёев Туркияга жўнаб кетди

29.01.2026 | 12:391 daqiqa

Ўзбекистон Президенти Шавкат Мирзиёев Туркия етакчиси Ражаб Тойиб Эрдўғаннинг таклифига биноан расмий ташриф билан Анқарага жўнаб кетди. Олий даражадаги музокаралар якунида салмоқли ҳужжатлар тўпламини имзолаш кўзда тутилган.

Ўзбекистон Республикаси Президенти Шавкат Мирзиёев бугун, 29 январ куни Туркия Республикаси Президенти Ражаб Тойиб Эрдўғаннинг таклифига биноан расмий ташриф билан ушбу мамлакатга жўнаб кетди. Бу ҳақда президент матбуот хизмати хабар берди.

Қайд этилишича, Анқара шаҳрида Ўзбекистон ва Туркия етакчилари олий даражадаги Стратегик ҳамкорлик кенгашининг тўртинчи йиғилишини ўтказади. Шунингдек, ташриф дастурига мувофиқ, бир қатор гуманитар тадбирларда иштирок этиш назарда тутилган.

Музокара мавзулари

Музокараларда Ўзбекистон – Туркия кенг қамровли стратегик шериклик муносабатларини янада кенгайтириш масалалари диққат марказида бўлади.

Сиёсий мулоқотни ривожлантириш, товар айирбошлашни ошириш, устувор иқтисодий тармоқларда кооперация лойиҳаларини илгари суриш ҳамда транспорт жиҳатидан ўзаро боғлиқликни мустаҳкамлашга алоҳида эътибор қаратилади.

Шунингдек, фаол маданий ва гуманитар алмашинувларни давом эттириш масалалари ҳам кўриб чиқилади. Халқаро ва минтақавий кун тартибининг долзарб жиҳатлари юзасидан фикр алмашилади.

Олий даражадаги музокаралар якунида салмоқли ҳужжатлар тўпламини имзолаш кўзда тутилган. Бундан ташқари, икки мамлакат етакчилари қатор қўшма тадбирларда иштирок этади.

Teglar

Туркия Шавкат Мирзиёев Ражаб Тойиб Эрдўған Ўзбекистон

Mavzuga oid

Kecha 22:37

Самарқандда нонга чиққан қизалоқни «адашиб» ўғирлаб кетган эркаклар беш йилга қамалди

Улар қизни урган, сочларидан тортиб, машинага мажбуран ўтқазган ва олиб қочиб кетган. Судланувчилар қизни ўзлари билан жинсий алоқада бўлишини истаган бошқа қиз билан адаштирганини даъво қилган.

Kecha 19:05

Навоий халқаро аэропортига янги директор тайинланди

Директор этиб тайинланган Алишер Кличев олдин ҳам бу аэропортни бошқарган.

Kecha 20:27

«Тугамаган ишларни муҳокама қилмайлик». Алишер Усмонов қамоққа олинган судялар ҳақида

Акмал Шукуровнинг озод қилиниши ортидан қамоққа олинган судялар иши ҳали тегров қилинмоқда. Олий суд раисининг биринчи ўринбосари иш бўйича ҳозирча изоҳ бермаслигини айтди.

Kecha 20:40

Янги Конституция ва Тўқаев: У қайта президентликка номзодини қўядими?

Қозоғистон сиёсий доираларида янги Конституция туфайли амалдаги етакчининг ваколатлари қайта бошланиши ҳақидаги баҳслар авж олди.

Kecha 19:23

Шавкат Мирзиёев Покистонга боради

Ўзбекистон раҳбари Исломободда Покистон Президенти Асиф Али Зардорий, Бош вазир Шаҳбоз Шариф, Мудофаа кучлари Олий Бош қўмондони – Қуролли Кучларнинг қуруқликдаги қўшинлар қўмондони, фелдмаршал Асим Мунир билан музокаралар ўтказади.

Kecha 19:15