Рустам Жўраев ИИВга қайтди

Bugun 16:011 daqiqa

Миллий гвардия қўмондони Рустам Жўраев лавозимидан озод қилиниб, Ички ишлар вазирининг биринчи ўринбосари этиб тайинланди.

2020 йилдан бери Миллий гвардия қўмондони лавозимида ишлаб келаётган Рустам Жўраев лавозимидан озод этилиб, Ўзбекистон Республикаси ички ишлар вазирининг биринчи ўринбосари – Жамоат хавфсизлиги департаменти бошлиғи лавозимига тайинланди. Президент Шавкат Мирзиёевнинг шу тўғрисидаги тегишли қарори ва фармони қабул қилинди.

Рустам Жўраев 1968 йил 26 июлда Тошкент шаҳрида таваллуд топган. У Ички ишлар вазирлиги академиясида таҳсил олган.

Бунгача у Ўзбекистон Республикаси Фавқулодда вазиятлар вазири лавозимида ҳам фаолият юритган. 2018 йилнинг феврал ойидан 2020 йил мартгача Жўраев Тошкент шаҳар Ички ишлар бош бошқармаси бошлиғи – Ички ишлар вазири ўринбосари лавозимида ишлаган. 2020 йилда у Миллий гвардия қўмондони этиб тайинланган.

Эслатиб ўтамиз, Рустам Жўраевдан олдин Миллий гвардияни бошқарган ва кейинчалик Ўзбекистон Республикаси Президенти ҳузуридаги Хавфсизлик кенгаши котиби ўринбосари лавозимида ишлаган Баҳодир Тошматов яна қўмондон сифатида Миллий гвардияга қайтгани хабар қилинганди.

Teglar

ИИВ Миллий Гвардия Рустам Жўраев

Mavzuga oid

Kecha 22:25

91 ёшли куёв, ёдга тушган Ўш воқеалари ва 700 минг кишига кўпайган аҳоли — 27 январ дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 22:42

Президент селекторида «катта тозалаш»

Ўзбекистон Президенти бугун, 27 январ куни бўлиб ўтган йиғилишда бир қатор амалдорларни ишдан олди. Бекмурод Абдуллаев ва Рустам Турсуновнинг қамоққа олиниши, Акмалхон Ортиқов ва Мубин Мирзаевнинг ишдан кетиши — бу ҳали бошланиши экани айтилмоқда. «Ўзбекнефтегаз» АЖ ва Давлат активларини бошқариш агентлигида катта тафтиш кетяпти.

Bugun 13:35

Тадбиркорларга энг кўп тўсқинлик қилувчи органлар номи маълум қилинди

Бизнес-омбудсман 2025 йилда тадбиркорлик субъектларида давлат назоратини амалга оширувчи органлар фаолиятининг рейтинг баҳолаш натижаларини эълон қилинди.

Kecha 22:40

Банк депозитлари фоизи 2022 йилдан бери энг паст даражага тушди (инфографика)

Ўзбекистонда жами муддатли депозитларнинг ўртача фоиз ставкаси 18,4 фоизгача пасайди. Бу 2022 йилдан бери энг паст кўрсаткич. Аҳоли депозитлари ҳам 2023 йилги даражага тушиб кетди. Депозитлар бўйича сўнгги йиллардаги вазият билан Vaqt.uz инфографикасида танишинг:

Bugun 15:05

Олмазор ҳокими Жазони ижро этиш департаментига раҳбар бўлди

Олмазор тумани ҳокими Азизхон Умархонов Ички ишлар вазирлиги ҳузуридаги Жазони ижро этиш департаментига раҳбар этиб тайинланганини Vaqt.uz манбаси тасдиқлади.

Bugun 15:31

Баҳодир Тошматов Миллий гвардияга қўмондон бўлди

Ўзбекистон Республикаси Президентининг фармони билан Баҳодир Ҳамидович Тошматов Ўзбекистон Республикаси Миллий гвардияси қўмондони лавозимига тайинланди.