«Аввал иқтисод...» #10: Электромобиллар учун «яшил чироқ», ўқитувчиларнинг маоши ва уларга ваъда қилинган имтиёзлар
Иқтисодчи Отабек Бакиров билан ҳафталик иқтисодий таҳлилий кўрсатувнинг навбатдагисида электромобилларни янада оммалаштириш лойиҳаси, ўқитувчиларга ваъда қилинган имтиёзлар ва уларнинг ўртача маоши ҳамда ва бошқа мавзулар таҳлил қилинди.
Давлат дастури лойиҳасида электромобилда такси хизматини кўрсатувчи ўзни ўзи банд қилган фуқаролар сонини 300 минг нафарга етказиш режа қилинмоқда. Хўш, бу имконлими? Шунингдек, хориждан маълум бир миқдордаги электромобиллар импорт қилишда енгилликлар, электромобилларни автокредитга харид қилишда фоизларнинг бир қисми давлат томонидан қоплаб бериши назарда тутилмоқда. Иқтисодчининг фикрича, электромобиллар тўлиқ оммалашиши учун утилизация йиғими, ҚҚС ва бошқа божлардан озод қилиниши керак.
1 октябр — Ўқитувчилар ва мураббийлар кунида Президент Ш.Мирзиёевнинг табоигида ўқитувчилар ва мураббийлар учун бир қатор имтиёзлар берилиши тилга олинган эди. Хусусан, давлат хизматларидан фойдаланишда ўқитувчиларга 50 фоиз чегирма назарда тутилган эди. Хўш, нега ўқитувчиларга ваъда қилинган имтиёзлар ишга тушмади?
Бу орада ўқитувчиларнинг ўртача маоши республика бўйича ўртача маошни қувишни бошлагани маълум бўлди. Айни давда ўқитувчиларнинг маоши бу ўртача маошнинг 67 фоизини ташкил этмоқда. Иқтисодчининг фикрича, ўқитувчиларнинг ўртача маоши республика бўйича ўртача маошлардан кам бўлмаслиги лозим. Шундагина ўқитувчининг жамиятдаги нуфузи юксала бошлади.
Антикоррупция яширин қарорларни ўргана бошлади. Ҳамма яширин қарорлар очиладими ё яна истиснолар бошланадими?
Ўтин, ғўзапоя ва бозорда сотилаётган тошкўмир инфляция ҳисобига қўшилади. Боз устига, ойлик инфляцияни ҳисоблашда ойнинг 1-25 саналари кузатувга олинади ва кейинги ойнинг 5-санасида эълон қилиб бориладиган бўлди. Иқтисодчи О.Бакиров инфляцияни ҳафталик эълон қилиб боришга ўтиш кераклигини таъкидлади.
